Unang Pagtulon-an

1. Pasiuna sa Kurso

Tan-awa ang mga Pagtulon-an

Ang globohanong tunghaan sa pagbansay alang sa mga musunod nga henerasyon sa kasimbahanan ug mga pangulong misyonaryo. Kini maoy tunghaan sa pagbansay nga walay ali, walay utlanan, walay bayad ug molabang sa tanang babag nga politikanhon, relihiyon, kaliwatan, klase sa pagkatawo ug pagdaut sa tanang dinominasyon,  pinaagi sa ngalan ni Hesus.

Kami nanghinaut nga kining mga pagtulon-an makadasig ug makapanalangin kaninyo ug sa liniboan ka katawhan nga may samang huna-huna nga nagkinabuhi ug nangandoy uban sa dakong tinguha tungod sa ilang unang gugma kang Hesus.

Sa imong pagsugod niining maong kurso, kamatuoran nga buot ikaw Mahibalo ug dugang pa sa Ginoo diha sa imong kaugalingon, ug diha sa imong kasing-kasing gusto mong makita ang mga tawo sa imong panimalay, ug nasud, ug bisan ang wala pa masangyawan nga mga katawhan sa kalibutan nga mobalik pagpuyo diha sa disiplina, kinabuhing balaan diha sa gugma ug pag-amuma sa Dios pinaagi sa atong pagtuo diha kang Hesu Kristo.

Mao kana ang tawag ug panan-awon sa Ginoo alang sa kinabuhi ni Pablo ug sigurado nga mao usab kini ang panan-awon sa Ginoo kanato karon. Kining maong kurso motabang kanimo aron mahimo mo kini. Palihug basaha Mga Buhat 26:18.

Mao kini ang unang pagtulon-an, kini yano ug pasiuna pa lamang. Ang musunod nga mga pagtulonan kompleto ug puno sa mga maayong butang nga angay makatunan ug angay buhaton. Kining tanan personal ko nang nahimo, gitudlo sa mga klase, ug karon kini alang kaninyo. Akong gipanghinaut ug giampo nga ikaw mapanalanginan, mahagit ug matandog sa Ginoo ug sa Iyang pamaagi sama sa akong naagi-an ug gipadayon samtang naglakaw ang katuigan.

Les Norman

 

Unsay mahimo niining maong Kurso ?

Kining Kursoha nagsunod sa epektibong pamaagi nga gihatag ni Pablo kang Timoteo, palihug basaha ang atong pasukaranang bersikulo diha sa 2 Timoteo 2:2. Nakatunan ni Pablo kining maong pamaagi gikan sa pag-obserba sa pamaagi sa paghimo ni Hesus sa Iyang mga disipolo. Gusto namong inyong sabtun kini sa sinugdanan pa lamang.

1. Una sa tanan among ipasa kanimo ang latid sa among mga nakat-unan sa mga nangaging katuigan ug uban sa tabang sa Balaang Espirito, sa Biblia, atong mga pag-ampo ug sa abling hunahuna nga imong masabtan ang mga idiya.

Ang Kurso nagalihok pinaagi sa lailaing magkatakdo nga tema nga gihan-ay diin may dakung ikatabang  ug galamiton sa mga kasimbahanan sa mga nagmauswagong nasud.

1.      Pag-ebanghelyo

2.      Misyon

3.      Pagdisipolo sa pasukaranang lebel alang sa mga bag-ong magtutu-o

4.      Pagdisipolo sa pauswag nga lebel

5.      Tawag sa Dios

6.      Pagsalig sa Dios diha sa mga Salapianong Bahin

7.      Pagbansay diha sa Pagpangulo

8.      Pagtukod Sa Simbahan

9.      Pag-abot sa Ginghari-an

2. Ikaduha, kung mahimo sa imong kabahin gusto namo nga imong mapasa sa uban ang tanan mong nakat-unan, aron masabwag ang pulong sa Dios. Among itudlo kanimo unsaon paghimo niana sa walay paggasto ug dakung salapi nga maoy lisod pangitaon karon. Tan-awa kung unsaon  Unsaon Pag-abli ug Imong Kaugalingo’ng Eskwelahan ug Pagtulonan 66 Ang Nagadisipolong Simbahan aron imong makit-an kung unsaon paghimo niini.

Labot pa, kung moingon kita ug eskwelahan wala nagpasabot nga gikinahanglan gyud moabli ug espesyal nga luna uban sa mga propesyonal nga sakop. Ang mga tinun-an pwedeng magkatigom sa simbahan, panimalay, tindahan ug bisan pa ilawom sa kahoy’ng Palmera. Gikinahanglan lamang ang grupo sa mga tawong may tinguha, Biblia, kini nga materyales ug ang presensiya sa Dios uban kaninyo pinaagi sa pag-ampo.

Kami motabang kaninyo pagsugod, motabang kaninyo sa unahan, ug kung ang mga nanggraduar mangayo’g tabang kanamoaron pagsugod ug ilang kaugalinong mga proyekto sa Misyon, tabang o Kristohanong patigayon, depende sa ilang nasud.

3. Sa katapusan, gusto namo nga ang mga tawo nga nakakaton gikan kanimo molakaw ug manulti sa mga tawo mahitungod sa ilang nahibaluan, gamit ang samang tamdanan ug simpling pamaagi sa pagpasa sa pulong sa Dios.

Tan-awa ang kahibulunga’ng Matematika niini:

 

Kung ikaw nakakat-on ~ 1 ka tawo nakadungog sa pulong sa Ginoo

Kung imong napasa sa 10 ka higala ~ 11 ka tawo nakadungog sa pulong sa Ginoo 

Kung ang 10 kada-usa mosulti sa laing 10  ~ 111 ka tawo nakadungog sa pulong sa Ginoo

Kung ang 111 kada-usa mosulti sa laing 10  ~ 1,110 ka tawo nakadungog sa pulong sa Ginoo

Kung ang 1110 kada-usa mosulti sa laing 10   ~ 11,100 ka tawo nakadungog sa pulong sa Ginoo

 

Ug dihadiha makabaton ka sa paglihok sa Dios. Kini nahitabo na sa Tsina ug nahitabo kada-adlaw sa parte sa Habagatang Amerika ug Aprika diin ang ‘Pagbansay pinaagi sa Pagdaghan’ nga kurso sama niini napamatudan nga maoy epektibo nga paagi sa pagtudlo sa linibuan ka mga tawo nga buot musunod kang Hesus.

 

Walay espesyal nga dapit o materyal nga gikinahanglan kundili pagtigom ug pagsugilon lamang.

 

"Ug ang mga butang nga imong hingdunggan kanako…itugyan mo sa mga tawo nga matinumanon…nga makahimo usab sa pagtudlo sa uban."

( Pablo ngadto kang Timoteo, 2 Timoteo 2:2 )

Kauban kita sa pagbansay ug daghang mga tawo nga mahimong mga hingpit nga magtutuo aron sila mismo manglakaw ug mamuhat diha sa ministeryo – sa pag-ebanghelyo, pagdisipolo ug pag-amuma sa mga kabus, sa pagkaplag sa maong pagtoo, sa mga bulohaton ug sa salapianong bahin nga gikinahanglan aron sa pagpauswag sa ebanghelyo. Sa unang kapitulo sa Genesis, sa dihang ang Pulong sa Dios miabot uban sa Espirito sa Dios, adunay pagsi-ak sa bag-ong kinabuhi ug kana mao ang atong mga pag-ampo, nga ang Ginoo magahimo ug sama niini sa makausa, apan niining panahona dinhi sa atong kinabuhi ug sa atong komunidad.

Lisod ba ang Kurso ?

Kini nga mga pagtulonan nasulayan na sa mga kasimbahanan sa Aprika, India ug mga dapit sakop sa Espanya, naangay usab diha sa lokal nga kultura. Daghan ang nag-ingon nga ang pagtulonan biblikal, tinuod, tukma sa nagmalambuo’ng kalibutan ug nagatumong sa ilang tinguha sa paglampos sa Dako’ng Sugo aron si Hesus makabalik. Daghan sa mga idiya natawo, nasulayan ug napamatud-an diha sa nagmalambuo’ng kalibutan, nga walay kalahi-an sa mga unang kapanahunan sa Bibliya.

Uban sa tabang sa Dios ang mga pagtulonan dili malisod bisan pa niadtong mga tawo nga gamay ra o walay kinaadman. Ang pagtulon-an yano ug dili komplikado. Ang mga pulong sayon hubaron kung gikinahanglan ug an makugihon nga tinun-an makabaton ug diploma nga diin, uban sa dugang pagtuon mahimong valido sama sa nakatapos sa Unibersidad.

Ang mga basahon klaro ug sayo nga basahon ug bisan imong mga higala maka’download’ niini nga walay bayad ug makakopya niini pinaagi sa mano-mano o ginamita’g makina. Ang kada pagtulonan pwede’ng ma’download’ ug makopyahan sa tinagsa mao nga sayon ug maabot lamang ang pagbaton niining mga pagtuon. Pwede makapalit ang mga tawo ug kopya gikan kanimo sa anam-anam kung gikinahanglan, bisan ang pagkopya sa tibuok kurso dili mahal.

Karon, palihug pagbalik ngadto sa Lista sa mga Tun-anan ug unya tan-awa pag-ayo ang tana’ng tun-anan ug tan-awa kung unsay imong makuha ug tanang angay nimo’ng ipasa sa uban..

Unang Pagtulon-an natapos pinaagi sa pag-awhag kanimo sa pagbasa sa tana’ng seksyon sa Pahina sa mga Impormasyon aron sigurado’ng mahibaluan mo kung unsaon.