18. Pagkab-ot Sa Wala Pa Maabti
Sa Maayong Balita

Ang katapusang mga wala pa nawalihan nga mga katawhan mao kadtong
naa sa likod sa politikanhon ug relehiyosong pag-ulang

Tan-awa ang mga Pagtulon-an

Basaha Kini sa Imong Bibliya
Salmo 139; Salmo 8.

Ani-a ang Imo’ng Pahinumdum nga Bersikulo
Padakua ang dapit sa imong tolda, ug ipabuklad ang mga tabil, ayaw pagdaginot;
lugwayi ang imong mga pisi, ug lig-ona ang imong mga tukod. Kay magabuklad ikaw sa halayong dapit
sa toong kamot ug sa wala; ang imong mga kaliwat manag-iya sa mga nasud ug magapapuyo
sa mga siyudad nga biniyaan. Isaias 54, 2-3.

Pagkahuman Hisguti ang Mahitungod Niini
Tan-awa sa mapa ang mga wala pa nawalihan nga mga katawhan aron pagtan-aw kung asa sila dapita.
Kinsa sila? Duol ba sila kanimo o layo. Gawas sa salapi, malisod ba ang pagadto didto?

Usa ka Butang Angay Buhaton sa Dili pa ang Musunod
Pakigsulti sa imong pastor o mga katigulangan mahitungod sa mga posibilidad nga ang inyong simbahan
mosagop ug grupo sa wala pa nawalihan nga mga tawo diha sa pag-ampo, mohimopg pagsusi ug basin
pinaagi sa grasya sa Dios makahimo pagkab-ot kanila pinaagi sa pagpadala ug grupo gikan sa inyong simbahan.

Sinulat nga Buluhato’ng Pangdiploma
Hunahunaa kung ikaw nagpuyo uban sa usa ka wala pa nawalihan nga grupo sa katawhan. Kinsa man ikaw, unsa man ang imong panginabuhi ug unsa may imong gituhuan? Unsa man
ang imong mga gikahadlokan? Isulat sa duha ka pahina.

Pamalandungi ang Matag Pulong Niini’ng Bersikuloha
Jeremias 8.20

Pag-gahin ug Pipila ka Minuto aron sa Kausaban sa Kalibutan

Pray for Tajikistan - Operation World page 525

6,300,000 Indo-Europeans, 1993 independence and war

82% Muslim, few Christians and many unreached peoples

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Pakisayod sa mga musunod nga mga pagtulon-an

16. Ang Pagtapos Sa Tahas
Pagpalihok sa simbahan alang sa Dakung Sugo, ablihi ang tema sa mga katawhan nga wala pa nawalihan.

17. Mga Wala Pa Nawalihan Nga Katawhan
Usa ka pagtan-aw sa kalibutan, tan-aw usab sa langitnong pagtan-aw.

74. Ang Misyonerong Simbahan
Ang pagsulod sa kalibutan sa misyon, ug unsaon pagsugod

Basig sa unang higayon, amo kamong gipahibalo sa mga wala pa nawalihan nga mga katawhan, nga mao ang grupo sa mga katawhan nga nahiusa pinaagi sa samang sakup sa sinultihan, kasaysayan o kultura. Nakahibalo ikaw nga si Hesus dili mobalik hangtud matag usa nga mga ‘ethnos’ nga may mabuhing lungsuranon, nga nagapangsaksig ilang kaugalingong simbahan, bisan gamay ug bulnerabli.

Ang Kadtong Gitugyanan Ug Daghan, Nagkinahanglan Ug Daghan.
Kini ang mahugot nga mga pulong ni Hesus diha sa Lukas 12.48.

Ang Simbahan Sa Kasadpan Mao Ang Gitugyanag Daghan
Tungod kay ang mga kasimbahanan sa Kasadpan gitugyanan ug daghan diha sa kahayag, pinadayag ug kapangitaan ibabaw sa mga katuigan, daku ang gikinahanglan gikan kaniya. Dili hingpit nga katuyuan sa Dios nga ang mga magtutuo ug mga pastor magpahimulos sa ‘mga Mansyon, Mercedes ug dagkong bakasyon’ una ang tanan sa kalibutan makahigayon pagpaminaw mahitungod sa gugma sa Dios ug kaluwasan.

Dugang Pa Diha Sa Espirituhanong Mga Kasimbahanan
Tungod kay ang mga espirituhanong kasimbahanan nakadawat ug daghan diha sa presensya sa Balaang Espiritu ug iyang mga gasa, ug daghan pa ang gikinahanglan gikan kanila. Dili hingpit nga katuyuan sa Dios nga ang mga magtutuo ug mga pastor magsige ug babad hangtud sa hangtud diha sa mga dihog, mga panalangin ug mga gasa alang lamang sa ilang personal nga kalipay diin adunay bahin sa gahum sa Balaang Espiritu nga angayan idapat sa pagdala sa ebanghelyo ngadto sa mga wala pa nawalihan nga mga katawhan nga nag-atubang sa kalaglagan.

Ang Mga Pangulo Sa Simbahan Ginatugyanan Ug Labaw Sa Tanan
Tungod kay ang mga pangulo sa kasimbahanan diha sa Kasadpan ug sa mga dapit sa kalibutan nga may kapukawan gitugyanan ug daghang mga katawhan ug daghang salapi, daghan usab ang gikinahanglan sa Dios gikan kanila. Dili hingpit nga plano sa Dios nga daghang kusog ang magugol diha sa panagkompetisyonay sa mga isig kasimbahanan alang sa may pinakadaku ug simbahan ug may pinakadaghag sakop nga magtutuo sa kongregasyon nga nangadani sa mga mbulokong programa samtang may mga kalalakin-an ug mga kababayehan nga nangalaglag tungod sa pagkakulang sa pagpaminawg ebanghelyo sa una o basi sa mao lamang nga panahon.

Hapit tanan, nga taga-Kasadpan, mga espirituhanong kasimbahanan ug ang ilang mga pangulo ang nagdala sa mga kadaghanan sa responsibilidad aron pagpaluyo sa pagpatuman sa Dakung Sugo sa atong henerasyon. Bisan tuod nga ang aktuwal nga paglakaw mas may kahimuan pinaagi sa mga kasimbahanan sa nag-uswag nga kalibutan kinsa nagpuyo duol sa mga wala pa nawalihan nga mga katawhan, nagkinahanglan gayud sila ug mga pag-ampo, pagbansay ug tabang salapianon diin magagikan lamang sa malig-ong kasimbahanan sa Kasadpan. Sumala sa pasumbingay sa mga talento, kung ang suluguon dili magagamit sa talento, mawala kini kanila. Mateo 25, 14-30.

Unsaon man pagkab-ot sa wala pa nawalihan, bisan na lang sa wala pay kabangkaagan nga simabahan nga adunay kasingkasing sa paghimo, ug may gamay nga ikadalit? Ang AD2000 ‘Joshua Plan’ diin usa ka buluhaton nagapahaluna sa mga nahibilin nga mga wala pa nawalihan nga mga katawhan nagahatag niining simpling mga lakang.

1. Ilha Kinsa Ang Mga Wala Pa Nawalihan.
Ang unang pag-agi diha sa www.ad2000.org alang sa bag-ong detalye sa mga kinagamyan ug na-ebanghelyoan nga katawhan sa kalibutan. Kinsa sila, asa sila, ug si kinsa kung aduna may nagasulay pagkab-ot kanila. Makahangyo ikaw ug mga basahon mahitungod sa matag grupo sa katawhan pinaagi sa pakiglambigit sa ‘Bethany Prayer Centre’.  Diha sa libreriya sa www.dci.org.uk adunay listahan sa Adres uban sa daghang nalista nga mga lainlaing misyon. Mahimo usab ikawng motan-aw sa  www.missionfrontiers.org alang sa daghang tabang.

Kung aduna kay ‘Adobe Acrobat Reader’ ug may minuto pang nahibilin (libre diha sa ‘web’), ‘click’  ngadto sa www.ad2000.org/peoples/jpllist.pdf aron sa libreng pag-‘download’, diin may pinakabag-ong bersyon sa lista sa mga wala pa nawalihan nga mga katawhan.

2. Pakig-uban Ug Mga Tawo Nga May Sama Nga Hunahuna Diha Sa Simbahan O Diha Sa ‘Internet’.
Ang tahas daku ra kaayo kung alang sa usa ka tawo, simbahan o denominasyon. Ang sulbad mao nga ang sapian nga mga kasimbahanan sa Kasadpan makiglambigit sa uban nga mga tawo sa mga kasimbahanan diha sa mga dapit nga may kapukawan ug kining duha kinahanglan makiglambigit sa mga pobreng kasimbahanan nga naa duol sa mga katawhan nga wala pa nawalihan diha sa hiniusang paagi sa pag-ampo, mga tawo, salapi, mga materyal ug kaalam.

3. Susiha Mismo Ang Imong Tema.
Salmo 8.4 nangutana, "Unsa ang tawo?" Kinahanglan makahibalo kita sa tanan mahitungod sa atong napili nga mga katawhan nga wala pa nawalihan mao nga mobalik kita ngadto sa www.ad2000.org kay basig ang imong librarya o ‘on-line encyclopeadia’, mga impormasyon sa liniboan ka mga 'ethnos' anaa.

4. Sugdi Sa Pagpahibalo Sa Mga Tawo.
Sa dihang may napili na nga mga grupo sa katawhan importante nga ang tibuok simbahan ug ubang lokal nga kasimbahanan, maingon man sa mga global nga mga tigpahiluna makahibalo sa unsay imong mga plano, aron nga ang panagtambayayongay mahan-ay ug malikayan ang  pagkadoble sa trabaho. Mahinungdanon kaayo ang paghatag ug impormasyon alang sa pag-ampo, pag-awhag ug aktuwal nga pamaagi.

5. Ang Atong Pag-ampo Naga-abli Sa Agianan.
Maka-ampo ikaw nga may kahimoan alang sa mga katawhan diha sa bintana nga 10/40 alang sa kaluwasan sa tanan sa imong panimalay ug dapit. Kadaghanan ang katawhan sama sa AD2000 ug YWAM mopahiluna ug pag-ampo nga tinibuok kalibutan alang sa espesyal nga tumong, ibutang ta alang sa Hindu nga katawhan. Mga pagbisita aron pag-ampo sa nahimutangan, usahay sa hilom ug dili dayag kung gikinahanglan mahimong usa ka bilihon nga mga panahon sa pag-usab ug nasud.

6. Ang Sunod Mao Ang Paghimog Pagsagop Sa Simbahan Ug Grupo Sa Katawhan Nga Wala Pa Nawalihan.

1.       Hiniusang pag-ampo alang sa giya mahitungod sa mga grupo sa katawhan.

2.       Hiniusang pagpakisayod, ug pahibalo usab sa uban diha sa simbahan.

3.       Hiniusang pakighisgut sa imong pastor, ipailaila kaniya ang mga konsepto.

4.       Desisyon sa mga butang uban sa grupo sa misyon, o paghimo ug usa ka grupo aron momaneho sa konsepto.

5.       Pakitambag sa kadagkuan sa simbahan sa matag lakang nga himuon.

6.       Duol ug mga ahensya sa misyon o duol nga mga Nasyonal nga kasimbahanan kinsa may mga plano sa pagkab-ot niining mga tawhana. Kung wala pa sila, basig ang imong pagsuporta maoy maka-agni kanila nga karon na ang panahon.

7.       Pag-ampo, pag-ampo ug pag-ampo pa gayud ug dugang hangtud nga maklaro mo na ang pamaagi, ug sa panaghiusa, ug alang sa grasya sa pagkamainantuson.pangandam sa pag-asdang sa espirituhanong pagpakiggubat, nagagapos sa mga gahum sa kangitngit kinsa nagadumala sa mga katawhan gikan sa dugay na kaayong panahon ug ang pagkawala sa gahum sa Balaang Espiritu ug sa presensya sa mga anghel. Pagbutang ug makanunayong oras sa pag-ampo sa mga tala adlawan sa katawhan.

8.       Pilia ang grupo sa katawhan nga gitudlo sa Dios alang kanimo, ug nakahibalo ka niana.

9.       Pag-ampo alang sa Iyang pamaagi nga musulod ug moebanghelyo sa imong grupo, sa inyong mga kaugalingon o pinaagi sa ahensya o lokal, nasyonal nga mga magtutuo.

10.   Pahibaloa ug kanunay ipahibalo ang imong mga panan-awon ug mga buluhaton sa simbahan, mga duol nga kasimbahanan, AD2000, relihiyong pundokanan kung aduna man gani, ang mga ahensya sa misyon ug ngadto sa mga kasimbahanan nga duol sa imong grupo sa katawhan.

7. Ang Pagtanum Ug Simbahan Mao Ang Tumong.
Ang mga ‘ethnos’ dili makab-ot hangtud nga may mabuhi, nagasaksing malaumon nga nagkaugalingong simbahan ang mahaluna. Adunay daghang paagi sa paghimo niini apan kinahanglan nga walay muduol sa unahan kung walay panag-uban, tambag ug tabang. Ang kina importantihang mga sagol diha sa seryosong taas nga panahon nga pagplano mao ang mga kasayuran sa pagpangulo, organisasyon, mga tumong, pagsusi, paghatag bili, pagpakigtambag sa mga duol nga kasimbahanang nasyonal, hiniusang pagangkon sa mga hingpit nga plano, partisipasyon sa kadaghanan, kooperasyon sa nahimutangan, ug pagtantiya. Daghang mga libro ug mga materyal nga may mga maayong tambag ug kaagi nga anaa saAD2000 ug sa ‘US Centre for World Mission’ diha sa www.missionfrontiers.org

Mahinungdanon Ug Dili Sayon Ang Pagpangita Sa Imong Katungdanan.

Bisag unsa ka hadlok ang imong bation tungod sa gidak-on sa hagit, ang imong personal nga pagkalambigit ang mahimong ‘catalyst’ nga nakapahimo sa matag-usa ug sa matag-butang diha sa paglihok, ug maoy hinungdan nga ang mga wala pa nawalihan nga mga ‘ethnos’ nahatod ngadto kang Hesus. Sumala sa gisulti ni Isaias, “ Ayaw pagdaginot. Padak-a ang dapit sa imong tulda, lugwayi ngadto sa tuo ug sa wala.”

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk