26.Pagpamalandong

Pagkuha ug pipila ka mga minuto aron sa paghunahuna ug pag-ampo

Tan-awa ang mga Pagtulon-an

Basaha Kini sa Imong Bibliya
Salmo 91

Ani-a ang Imo’ng Pahinumdum nga Bersikulo
Ayaw pag-ibulag kining Basahon sa Ksuguan sa imong baba; hinunoa magpalandong ka niana sa
adlaw ug gabii, aron himatngunan mo sa pagbuhat sumala sa tanan nga gisulat dinha; kay sa ingon niana
ikaw magmauswagon sa imong panaw, ug unya makab-ot mo ang kauswagan. Josue 1.8

Pagkahuman Hisguti ang Mahitungod Niini
Unsang mga saad ang atong makita niadtong mga nagsugot sa ilang
mga hunahuna ug mga kasingkasing diha sa pulong sa Dios adlaw ug gabii?

Usa ka Butang Angay Buhaton sa Dili pa ang Musunod
Kung wala ka pa makasulay pangita ug imong sekretong dapit sa Labing Halangdon.
Ibutang ang imong ngalan, pagbutang ug oras, ug pag-andam sa pagpakigkita sa Dios kada adlaw.
Pangandam sa sunod higayon aron pagsulti kanamo unsay imong kasinatian.

Buluhato’ng Pangdiploma
Pangayoa sa Ginoo nga ipakita kanimo ang gilawmon sa bersikulo niining simana ug pagsulat
ug balig duha ka papel nga salaysay gamit ang tanan nimong nahibaluan aron paglarawan
sa tanan nga iyang gipadayag kanimo bahin niini.

Pamalandungi ang Matag Pulong Niini’ng Bersikuloha
Mga Proberbyo 24, 3-4

Pag-gahin ug Pipila ka Minuto aron sa Kausaban sa Kalibutan

Pray for Canada - 28,000,000 North Americans in many cultures

85% ‘Christian,’ 20% attend, former great missionary vision

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Kadaghanan sa katawhan morekomendar sa pagpamalandong ug ginahimo kini sa mga relihiyon sa silangan. Apan pagbantay – kalibutanong pagpamalandong mopadulong ngadto sa pagbakante sa imong hunahuna ug kun kini mahitabo kanimo si Satanas siguradong mopuno niana. Wala ka ba kamatikod nga diha sa gubat ang panag-away adto mahitabo sa dapit nga wala panag-iyaha sa bisan asa nga dapig sa mga sundalo? Aron maluwas ikaw ug ang imong hunahuna kinahanglan kanunay anaa dapig sa Dios.

Biblikal nga pagpamalandong magapuno sa imong hunahuna sa pulong sa Dios ug mamahimong parte sa atong paglakaw uban sa Dios sa sinugdan pa.

1. Ang Mga Kaayuhan Sa Pagpamalandong

Ang pulong sa Dios mao ang purtahan ngadto sa hunahuna sa Dios ug ang pagpamalandong mao ang agianan ngadto sa mga lawak nga puno sa bahandi. Ang pagpamalandong maoy usa ka pagpakigtagbo uban sa Dios ug ikaw makalaum ug mga pagpadayag, pagtubo, pagdasig, gahum ug panan-awon alang sa espirituhanong pagpakiggubat ug pagsaksi.

Pamalandongi Ang Pulong Adlaw Ug Gabii
Mamahimo kang malambuon ug malampuson.
Magmabungahon ka sa tanang panahon
Ang imong bag-ong pagtubo dili malaya.

Bisag unsay imong buhaton molambo.

Makabaton ka ug dugang mga panan-awon.

Mapanalanginan ka sa unsa may imong pagabuhaton.

Aduna kay mga maayong natipig diha kanimo.

Josue 1.8; Salmo 1.2,3; 119.99; Jacobo/Santiago 1.25; Mateo 12.35

2. Ang Duha Ka Pilo Nga Katuyoan Sa Pagpamalandong

Una, Aron Pagpanalangin Sa Dios

Gusto ni Dabid nga ang mga pulong sa iyang baba ug ang pagpamalandong sa iyang kasingkasing makapahalipay sa Ginoo. Salmo 19.14

 

Ikaduha, Aron Pagpadato Kanimo

Si Pablo nag-ingon, " Tugoti nga ang pulong ni Kristo magpuyo nga madagayaon diha kanimo". Dayun makahimo ka sa pagtudlo ug pagtambag sa matag usa uban sa tanang kaalam. Mga Taga-Col. 3.16

3. Unsa May Imong Gipamalandongan?

Ang pagpamalandong maoy usa ka panahon sa pagsuta sa hunahuna sa imong Hinigugma, aron pagkaplag kaniya, unsay iyang hunahuna ug iyang kaalam ug iyang mga pamaagi. Mahibulong ka na lang kung unsaon pagpakigsulti sa Ginoo kanimo sa dihang mahimo kang hilum sa sulod ug makadungog sa iyang tingog. Ang mga manunulat sa Salmo kasagaran nagsulat bahin sa ilang kaugalingong direksyon diha sa pagpamalandong. Unsa may ilang gisulti?

Namalandong kami sa imong dili mapakyasong gugma.

Mamalandong ako sa tanan mong binuhatan.

Among gihunahuna ang tanan nimong mga gamhanang buhat.

Mamalandong ako sa imong mga sugo.

Akong gihunahuna ang imong mga paagi.

Namalandong ako sa imong balaod sa tanang adlaw.

Namalandong ako sa imong mga saad.

Salmo 48.9; 77.12; 119.15, 97, 148.

4. Giunsa Mo Man Pagpamalamdong ?

Ang pagpamalandong nagpasabot sa paghunahuna, pag-usap, pagpanamin, pagtuon, paghagawhaw, pagpakighimamat, bisan pa pagsumbong. Aniay mga nasulayan na kaayo nga mga pamaagi aron pagtabang kanimo sa paghimog makanunayong panahon sa pagpamalandong. Kun ikaw molungtad kini nga maayong gawi mopalambo sa imong Kristohanong kinabuhi labaw pa kaysa imong mahunahuna.

Kinahanglan May Kaugalingon Kang Sekretong Dapit Sa Labing Halangdon

Tan-awa sa Salmo 91. Usa ba ka kanto, sa lawak, sa lawak sa atup, sa silong. Ang motagbo kanimo bisag asa. May usa ka babaye nga molabay sa iyang apron ibabaw sa iyang ulo. Sa dihang iya kining buhaton ang iyang pamilya kahibalo nga kinahanglan dili nila siya disturbuhon! Alang kang Isaac, ang iyang sekretong dapit sa pakigtagbo sa Dios mao ang kapatagan, tan-awa sa Genesis 24.63

 

Kinahanglan Nimo Ang Kahilum

Bisag asa kalayo sa panimalay ug mga tawo, layo sa kasaba sa kadalanan, telepono ug telebisyon. Walay bay dapit sama niana duol nimo? Unsa may samag lebel sa kasaba sa 5 sa kaadlawon? Mao kana ang akong sekretong dapit.

 

Kinahanglan Nimo Ang Disiplina Sa Kaugalingon

Aron pagduaw sa imong sekretong dapit pirmanente ug aron usab pag-atubang sa mga paglinga ug pagtintal nga moabot sa imong hunahuna, ug bisan diha sa imong tiyan.

Pagtipig ug gamayng kwaderno nga sulatan sa kung unsay mga importanteng pahinumdum. Nga kasagaran motagbaw sa hunahuna. Tugoti ang imong kaugalingon nga mahilum sa sulod. Alang kanako usahay mga sulod kana sa 20 ka minuto o kapin kun kulang. Pag-ampo ug imbitaha ang Ginoo sa pagpakigsulti kanimo ug paggiya kanimo.

 

Nagkinahanglan Ikaw Ug Dalan Nga Subayon

Butang nga makapa interes kanimo, makadakop sa imong atensyon o usa ka bersikulo o duha nga gihatag sa Dios kanimo.  Dayun makasulod ikaw sa hunahuna sa Dios samtang siya nagapadayag ug nagalarawan sa iyang pulong kanimo. Si Jeremias nagsulti, “Sa dihang ang imong mga pulong moabot, ako kining gikaon; sila ang akong kalipay ug katagbawan sa akong kasingkasing.” Jeremias 15.16.

 

Gamita Ang Imong Oras

Sutaa ang yugto pulong sa pulong, gamita ang imong balaang imahinasyon sa paghunahuna, pagtan-aw, pagpaminaw, pagsimhot, paghikap o bisan pa pagtilaw sa unsay nahitabo diha sa mga pulong. Paminaw sa mga maayong mga hunahuna ug mga talagsaong pagpasabot gikan sa Balaang Espiritu.

 

Karon Adunay Higayon Sa Pagpadayon Ang Imong Kaugalingon: 
Basaha ang Job 23, 10-12 sa hinay hinay

 

Siya nasayod

Sa paagi….. nga akong gikuha.

Sa dihang iya akong gisulayan.

Ako mopadayon sama sa bulawan.

Ngano?

Tungod kay ang akong mga tiil masubsob nga nagasunod . . . . sa iyang mga lakang. .

Karon pagpadayon, paghinuktuk, pag-usap, panamin, paghunahuna, pagtuon, paghagawhaw, paghimamat, o bisan bisan pa sumbong apan pakigsulti kang Hesus.

 

O mahimo usab nga mamalandong ka ug tema sama sa mga ngalan sa Dios,

Sulti ug usa kada adlaw.

 

Jehovah Tsidekenu – ang Ginoo ang akong Pagkamatarong.

Jehovah M’Kaddesh – ang Ginoo nga Nagabalaan.

Jehovah Shalom – ang Ginoo sa Kalinaw.

Jehovah Shammah – ang Ginoo Anaa.

Jehovah Rophe – ang Ginoo nga Naga-ayo.

Jehovah Jireh – ang Ginoo Magatagbo.

Jehovah Nissi – ang Ginoo mao ang akong Bandila.

Jehovah Rohi – ang Ginoo akong Magbalantay.

 

Wala ka ba kamatngon nga matag pagtulon-an naghatag kanimo ug nabagay nga bersikulo aron sutaon diha sa imong sekreto nga dapit ?

  

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.