38. Ibalik Ang Hari

Tan-awa ang mga Pagtulon-an

Basaha Kini sa Imong Bibliya
Jeremias 8.20; Mateo 13.

Ani-a ang Imo’ng Sag-ulohon nga Bersikulo 
Ang gingharian sa kalibutan nahimong iya sa atong Ginoo ug sa iyang Kristo,
ug magahari siya ngadto sa walay katapusan. Pinadayag 11.15

Pagkahuman Hisguti ang Mahitungod Niini
Unsa nga mga ilhanan sa mga kapanahonan ang imong nakita dinhi sa kalibutan? Unsa ang mga anaa karon nga panghitabo
ang imong makit-an dinha sa pamantalaan ug mga balita sa telebisyon diin gitagna na diha sa Biblia?

Usa ka Butang Angay Buhaton sa Dili pa ang Musunod
Napanalanginan ba ikaw niining mga pagtulon-an? Kung mao, hangyo aron makapamulong dinha sa mga simbahan
ug sultihi ang mga katawhan unsay anaa. Imbitaha sila ngadto sa bag-ong sesyon
nga imong pagahan-ayon o sultihi sila unsaon sa pagporma ug ilang kaugalingong mga grupo.

Buluhato’ng Pangdiploma
Susiha ang 2 Pedro 3, 10-17 ug paglista ug napulo ka mga tubag niining maong pangutana,
"Unsa nga matang sa pagkatawo angayan nga mahimo kita," diha sa tinan-awan sa nagsingabot nga pagbalik sa Ginoo.

Pamalandungi ang Matag Pulong Niini’ng Bersikuloha
Pinadayag 22, 20.

Pag-gahin ug Pipila ka Minuto aron sa Kausaban sa Kalibutan

Pray for Zaire - 42,000,000 people in 450 ethnic groups

Facing massive change and conflict after Mobutu, Evangelicals 21%, RC’s 42%

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Samtang ang atong Hari, si Hesus, tua sa halayo ug nagahulat sa Dios alang sa oras sa pagbalik ug pagdumala uban sa hustisya. Ang tanan gusto makahibalo kung kanus-a. diha sa Mga Buhat 1.7 si Hesus nag-ingon, "Ayaw panghilabot sa dili nimo katungod, atimana lamang ang imong trabaho" apan siya nagahatag kanato ug daghang mga ilhanan mahitungod sa iyang pagbalik.

1. Adunay mga ilhanan dinhi sa kalibutan.

Una sa tanan ang mga pagpanagna sa Hari kinahanglan matuman. Si Hesus nagasulti kanato sa mga panghitabo sa kalibutan nga nagapaila sa iyang pagbalik, maingon man sa pagkaabli sa 'mga katapusang adlaw’ kinahanglan natong dahuman kining mga ilhanan nga sa katapusan moabot diha sa dakung katakus. Tan-awa sa Mateo 24.3-51; Marcos 13, 1-37; Lukas 21, 5-36.

Mga nasud mobarog batok sa mga nasud.
Ang pulong mga nasud mao ang ‘ethnos,’ diin ang gipasabot mga grupo sa katawhan.  Mao nga bisan ug natapos na ang gubat sa kalibutan, ang gubat sa mga grupo sa katawhan  nagatubo gihapon sa mga dapit sama sa Bosnia, Chechenya, Afghanistan ug Rwanda.

Mga dagkung kagul-anan kinahanglan mosaka.
Dugang mga kagutom, mga kastigo, mga linog ug mga dagkung unos mga pagpaila ngadto sa katapusan.

Makalilisang nga mga panghitabo ug dagkung mga ilhanan.
Mga kalamidad moabot, tingali tungod sa polusyon, pagtaas sa mga populasyon, sa pagdaot sa mga kalasangan, mga aksidente sa nukleyar o ang dakung gintang taliwala sa kabus ug adunahan. Uban sa mga propeta naghunahuna nga ang adunahang Kasadpan duol na sa katapusan sa mga katuigan sa mga tambok nga baka ni Jose, Gen. 41, 17-40, ug ang mga katuigan sa mga niwang nga mga baka haduol na. Ang mga niwang nga baka mikaon sa mga tambok nga baka diin nagrepresenta sa nasudnong pagpanagana, apan kita sama ra kaniwang. Ingon sa panahon ni Jose, ang mga katawhan mahulog ngadto sa pagkaulipon sa utang nga walay salapi, mga kagamitan aron ipalit ug ibaligya o kayutaan, ug usa ka Manluluwas, sama kang Jose kinahanglan moabot.

Mga dagkung espirituhanong panghitabo
Ang duha maayo man o mini nga mga kapukawan mahitabo ingon nga ang mga dautang espiritu nagasulay pag-atbang sa lihok sa Espiritu sa Dios aron paghatod ug kalibutanong pagpang-ani alang kang Hesus.

Ang Israel maoy usa ka tataw nga ilhanan dinhi sa kalibutan
Human sa 1,900 ka mga katuigan sa pagkatibulaag dinhi sa kalibutan, walay panimalay ug wala kinahanglana, ang mga kaniadtong katawhan sa Dios, ang mga Hudiyo nahibalik na sa ilang dapit sumala sa na propesiya, , eg. Amos 9, 8-15.

Mga silyo, mga trumpeta, mga kastigo ug mga panaksan.
Pito sa matag usa anaa makit-an sa Pinadayag kapitulo 6 - 16, diin naghisgot sa mga mahinuklugong panghitabo dinhi sa Kalibutan diin kinahanglan nga mahitabo. Apan ayaw kabalaka, hangad lamang! Kining tanan kinahanglan mahitabo. Kini nagpunting sa pagbalik ni Hesus diin motino sa matag gihisgutan, ug motubag sa pag-ampo sa minilyon sa tibuok kalibutan. Tan-awa sa Lukas 21, 25-26.

2. Adunay mga ilhanan dinha sa gingharian.

Ang Gingharian mao ang dapit diin ang Hari magahari. Nagaampo kita sa Dios, "Moabot ang Imong gingharian," ug ang pasumbingay sa Gingharian, eg. Mat. 13, nagpakita kanato unsaon niini pagkahitabo. Gikan sa ubay-ubay nga kahigalaan sa Krus, karon minilyon ang matinudanon ug malipayon nga miangkon kang Hesus ingon nga ilang Hari.

Ang Gingharian Moabot

·         Ang magpupugas nagasulti kanato nga ang Gingharian ania na karon ug bisan tuod kini mahimong isalikway, aduna pa gihapoy mga maayong yuta kaysa mga bato, mga sampinit ug mga langgam.

·         Ang mga sagbot nagasulti kanato nga ang umahan sa Dios mao ang kalibutan samtang ang pukot naghulagway kung giunsa sa maayong balita pagsikop ang mga maayo ug mga dautan nga isada, tungod niini si Hudas misunod kang Hesus. Adunay pagkabulag sa katapusan.

·         Ang liso sa mustasa ug ang igpapatubo nagpakita kanato nga ang Gingharian sa Dios ania, apan sa dili mahibaluan nga gamay sinugdanan. Sa kadugayan ingon sa gamay nga patubo nga mipuno sa panaksan, ang Gingharian sa Dios mopuno usab sa kalibutan.

·         Ang bahandi ug ang perlas nagpakita nga sa dihang makaplagan sa tawo ang Gingharian kini iyang maangkon sa bisag unsang bili.

·         Ang nagtubo nga binhi, Marcos 4.26, nagpakita nga ang Gingharian sa Dios motubo sa iyang kaugalingon, bisan wala ang tabang sa tawo. Usa ka adlaw ang sanggot sa Dios magaani sa tibuok anihon.

Ang simbahan natukod
Si Hesus misaad uban sa gugma nga " Ako magatukod sa akong simbahan," Mat. 16.18, Mga Taga-Efe. 5.27, ug mao kana ang iyang ginabuhat niining mga adlawa. Sobra 50% sa mga katawhan nga wala pa nangaluwas, nangaluwas sukad  1900, ug kasagaran niadto sukad pa sa 1950. 70,000 ka mga tawo ang mihatag sa ilang mga kinabuhi kang Hesus kada adlaw. Ang mga dagkung kapukawan nagadani ug minilyon didto sa Habagatang Amerika, diha sa may pagkasahara’ng Aprika, ug sa ubang parte sa Rusya, Tsina ug Habagatang Korea.

Nasudnong paghinulsol nangahitabo
Sa dihang ang mga katawhan maghinulsol sa kasalanan sa ilang nasud sila nagapadali sa adlaw sa pagbalik sa Hari. Ngano man kini? Diha sa Mga Buhat 3.13 si Pedro makusganong misudya sa iyang katawhan sa pagpatay kang Hesus. Sa tinuod wala kini nila himoa sa ilang kaugalingon, apan ang ilang mga kadagkoan mao ang nagahaimo niadto. Si Pedro miingon nga kung dili kita moila sa mga kasalanan sa atong mga nasud, mohinulsol sa ilang bahin, mobalik sa Dios alang kanila, ang Dios mohimo niini, Mga Buhat 3, 19-20:

·         Mga kasalanan mahimong makuha.

·         Mga panahon sa pagkahayahay moabot.

·         Ang Dios mopadala kang Hesus nganhi kanato pag-usab aron pagpasig-uli sa tanang butang.

·         Kadaghanan sa mga kasimbahanan karong mga panahona sa tibuok kalibutan, mga pangulo ug mga katawhan pareho nga misugid sa mga kasalanan sa ilang mga kanasuran ug nangayo sa Dios sa iyang kaluoy ug kapasayloan.

Ang dakung sugo nagaabot na sa unahan
Diha sa Mateo 24.14 si Hesus nag-ingon nga ang katapusan moabot lamang sa dihang ang ebanghelyo sa Gingharian mawali sa tanang kanasuran. Ang pulong alang sa mga nasud, ethnos, wala nagpasabot sa politikanhong mga nasud sama sa India, kundili mga etnikong grupo sa katawhan, nga nahiusa sa samang pinulongan o kultura. Sulod sa milabay nga 200 ka katuigan sa tinud-anay walay nawalihan bisan ug mga napulo ka gatusan , bisan sulod sa 1900 gamay lamang ang maihap. Karon, ang mga makinaadmanon nasayod nga adunay mga modul-an sa 7000 ka mga dagkung grupo ang nagpadayon. Sila nasayod sa ilang mga ngalan ug kung asa sila. Mga plano ug mga pag-ampo anaa na aron pagkab-ot nilang tanan.

3. Mao nga unsang matanga sa katawhan kita gikinahanglan ?

2 Pedro 3.10-18 nag-ingon sa pagtan-aw sa umaabot nga adlaw sa Ginoo gikinahanglan kita nga balaan, walay mantsa, walay sala, mopadali sa iyang pagbalik, mabinantayon, dili dali madani, nagtubo diha sa grasya ug sa kahibalo ni Hesus.

Unsaon nato ‘pagpadali sa adlaw?’
Pinaagi sa pag-ampo ug pagpamuhat alang sa Gingharian aron moabot pinaagi sa pagtukod ug Simbahan, pagkompisal sa mga kasalanan sa atong kanasuran, ug pinaagi sa pagtapos sa Dakung Sugo..

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk