42. Ang Tinuod Nga Pagpuasa

Kini ba usa ka pagpuasa o pagpiyesta karon?

Tan-awa ang mga Pagtulon-an

Basaha Kini sa Imong Bibliya
Isaias 58, Mateo 6, 16-18

Ani-a ang Imo’ng Sag-ulohon nga Bersikulo
Apan kining matanga dili mogula gawas sa pag-ampo ug pagpuasa.
Mateo 17:21, sinulat ubos sa panid.

Pagkahuman Hisguti ang Mahitungod Niini
Sa unsang mga praktikal nga pamaagi nga ang piniling puasa sa Dios mahimo diha sa inyong nasud.
Unsa pa nga buhat ang angay himuon gawas sa pag-ampo.

Usa ka Butang Angay Buhaton sa Dili pa ang Musunod
Pamalandongi ang Joel 1 ug 2 aron pagkaplag sa hinungdan sa paghulga.
Pamalandongi ang matag linya sa pahimangno sa Ginoo diha sa 1, 13-14, ug 2, 12-17.
Tan-awa diha sulod sa imong hunahuna kung unsay mahimong dagway niana diha sa buhat.
Kinahanglan ba nga adunay mahitabo nga sama niana karon? Unsaon man niana pagkahitabo?

Buluhato’ng Pangdiploma
Isulat ang sugilanon sa panghitabo human sa pagpuasa
nga gihisgutan dinga sa bersikulo 3 sa 2 Cron. 20.

Pamalandungi ang Matag Pulong Niini’ng Bersikuloha
Mateo 6, 16-18

Pag-gahin ug Pipila ka Minuto aron sa Kausaban sa Kalibutan

Pray For Spain - 40,000,000 Southern Europeans, long persecution of church

1% Protestant, 27% practising RC’s, 60% of church growth are gypsies!

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Bisan ug kini nga pagtulon-an nagtumong sa unsa ang gitawag sa Dios nga iyang piniling pagpuasa, ang tinuod nga pagpuasa, adto kita magsugod sa kasagaran nga pagpuasa, nga mao ang pagdili pagkaon ug usahay sa dili usab pag-inom, alang sa usa ka hinungdan.

Nganong Magpuasa?

Ang pagpuasa nagasulti sa atong mga lawas, mga tiyan ug mga gusto nga ang atong espiritu mao ang tagdumala sa  kinabuhi, ug pinaagi sa pagbaylo sa oras sa tingkaon mahimo kitang masuod pa ngadto sa Dios. Sa dihang kini gitawag alang sa Dios, ang pagpuasa magadala ug gamhanang talagsaon nga mga espirituhanong kaayohan, Mateo 17.21. Daghan usab nga mga doktor ang miila nga ang sagad nga pagpuasa makahatag usab ug kaayohan sa lawas.

1. Kinahanglan Ba Gayud Kitang Mopuasa?

Diha sa Mateo 6, 16-18 si Hesus nagasalig nga ang iyang mga manununod magapuasa sa matag karon ug unya. Siya miingon ‘sa dihang kamo magpuasa,’ dili ‘kung kamo magpuasa.’ Ang pagpuasa maoy usa ka tema nga makita diha sa Diosnong pamaagi sa kinabuhi gikan sa mga unang mga adlaw.

Ang Pagpuasa Nagkinahanglan Ug Usa Ka Insaktong Hinungdan

Dili kini mopaliso sa kamot sa Dios aron pagtabang kanimo.

Dili kini motabang aron makuha nimo ang imong pamaagi, kana usa na ka aklas-gutom!

2. Kanus-a Kita Kinahanglan Magpuasa?

Adunay daghang mga higayon sa Biblia diin ang mga tawo nagpuasa inusara man o diin ang matag usa  naghiusa sa pagpuasa.

1. Sa dihang makadungog ug dautang mga balita, Nehemias 1.4; 2 Samuel 1.12
2. Sa dihang ang pamilya, mga higala o mga tawo masakit, 2 Samuel 12.16, Salmo 35.13.
3. Sa panahon nga adunay mamatay, 1 Sam. 31.13; 2 Samuel 3.35.
4. Diha sa katalagman, Ester 4.16, Daniel 6.18. Mga Buhat 27.33-34
5. Diha sa mabaharong katalagman sa nasud, Mga Maghuhukom 20.26; 2 Mga Cronicas 20.3. Joel 1.14; 2, 12-15
6. Diha sa oras sa mabaharong paghukom, Jeremias 36.9, Jonas 3.5-10
7. Sa dili pa ang usa ka panaw, Esdras 8.21-23
8. Diha sa pagsugid sa kasalanan ngadto sa kadaghanan, Nehemias 9.1-2, 1 Samuel 7.6.
9. Diha sa personal nga paghinulsol 1 Mga Hari 21, 27-29, Esdros 10.6
10. Diha sa pagpuyo, Daniel 9.3
11. Diha sa pagtubag sa pinadayag nga gikan sa Dios, Daniel 10.1-3, Mga Buhat 9.9
12. Sa dihang magamando o magapadalag mga mamumuhat, Mga Buhat 13.3, 14.23

Diha Sa Pagpuasa Unsa May Angay Natong Buhaton?

Pag-ampo, Daniel 9.3, Jer. 14.12

Pagpaubos sa atong mga kaugalingon, Deut. 9.18; Neh. 9.1

Pagbasa sa Balaang Kasulatan, Jeremias 36.6.

 

Nagkalainlaing Matang Sa Pagpuasa

Aron sa pagsugod nganong dili ka mopalta ug usa ka kan-anan aron mag-ampo, o mahimo usab ikaw mopuasa gikan sa panihapon hangtud sa sunod nga panihapon. Diha sa labing dakung panghitabo sila si Moises, Elias ug Hesus nagpuasa sulod sa 40 ka adlaw. Exodo 24.18. 1 Mga Hari 19.8, Mat. 4.1-2. Kasagaran kinahanglan moinom ug dugang tubig ug panagsa ra kaayo ang pagpuasa sa tubig. Makahimo usab ikaw pagpuasa gikan sa mga matam-is nga butang ug mga luho. Si Daniel nagpuasa sama niini sulod sa tulo ka simana, Daniel 10.2-3. Mahimo kaayo nimo ang pagpuasa gikan sa telebisyon, sa mga dula ug bisan pa gikan sa mga kalambigitan sa kaminyuon aron pagpangita ug dugang sa Dios.        1 Mga Taga-Cor. 7.5. Sama kang Dabid, mga tinun-an ni Juan, Anna, Pablo ug Cornelius , ubang katawhan mopuasa ingon nga pamaagi sa kinabuhi.

 

Tan-awa sa Salmo 109.24; 69.10; Mateo 9.14; Lukas 2.37; Mga Buhat 10.30; 13.3, 14.23; 2 Mga Taga-Cor. 11.27.

3. Karon, Ang Pinili Sa Dios Nga Puasa

Mahimong maayo alang kanatong tanan ang pagpuasa matag karon ug unya ug ingon nga gigiya sa Balaang Espiritu, apan aduna pay laing matang sa pagpuasa diin walay sukod ang pagkagamhanan. Ato kining matawag nga kinabuhing gipuasahan.

Dili Tanan Puasa Gikahimot-an Sa Ginoo
Diha sa Zacarias 7, 5-6 ang Ginoo nangutana ngadto sa mga tawo ug mga pari kung sila nagapuasa ngadto kaniya, o basin adunay laing tulomanon? Ang puasa diha sa Isaias 58, 1-5 tin-aw nga wala makapahimaya sa Dios. Bisan sa adlaw sa pagpuasa atubangan sa Ginoo, ang mga tawo mipahimulos sa ilang mga trabahanti, nanag-away, nagdinapatay sa matag usa, nahimong tigpakaarong-ingnon, nagasulay sa paghulga ug bayad sa Ginoo, nagbagutbot ug mibiya sa mga mando sa Dios. Siya miingon, “Ayaw kamo pagdahum nga mabunggan ngadto kahitas-an!"

4. Unsang Matang Sa Puasa Ang Nagapahimuot Sa Dios?

Ang nag-ingon diha sa Isaias 58, 6-12, "Mao kini ang matang sa pagpuasa ang akong gipili," ug mao nga kini iyang girekomendar kanato. Kining matanga sa puasa adunay gamayng paglimud sa kaugalingon pagkaon, apan kini maoy paglimud sa kaugalingon ug pagkinabuhi alang sa Dios. Dili lamang kini alang sa usa ka adlaw, apan sa walay katapusan, hangtud nga kita may kinabuhi.

Siya Mihangyo Kanato Sa Paglimud Sa Atong Mga Kaugalingon Ug:
Badbaran ang mga talikala sa pagka walay hustisya.

Pagtangtang sa mga gapos sa yugo,

Pagpatagbaw sa mga gikinahanglan sa mga dinaogdaog.

Pagbungkag sa tanang yugo.

Pagbahinbahin sa imong pagkaon uban sa mga gigutom.

Paghatag puloy-anan niadtong mga kabus nga naglaroylaroy.

Sa dihang makita mo ang walay sapot, sininai siya.

Tabangi ang imong kaugalingong unod ug dugo.

Ayaw pakiglabot sa yugo sa pagdaugdaog.

Walay mga tudlo nga manudlo o madumtanong mga panaghisgut.

Kini nga matang sa puasa muosab sa kalibutan padulong ngadto sa talagsaon nga espirituhanon, emosyon ug materyal nga kahibulongan apan tan-awa sa imong kaugalingon kung giunsa sa Dios pagsaad sa milagrosong pagtuboy niadtong misulay sa paglimud sa ilang mga kaugalingon ug nagkinabuhi sa ngalan sa mga kabus ug mga dinaogdaog.

Ang imong kahayag moabot sama sa sayong kabuntagon.

Ang imong kaayuhan moabot pagdali.

Ang pagkamatarong magauna kanimo.

Ang Ginoo ang imong bantay sa likud.

Sa dihang ikaw motawag, ang Ginoo motubag.

 

Pagtuaw sa pakitabang, siya magaingon, ania Ako.

Ang imong kahayag modan-ag ngadto sa kangitngit.

Ang imong kagabhion daw sama sa kaudtuhon.

Ang Ginoo magagiya kanimo kanunay.

 

Siya magatagbaw sa imong mga gikinahanglan.

Siya magalig-on sa imong patukuranan.

Ikaw mamahimong binisbisan nga tanaman.

Ikaw mamahimong usa ka tubod nga dili mahutdan.

Ang imong katawhan magabalik pagtukod sa mga karaang nangalumpag.

Ikaw magaayo ug mapasig-uli sa katilingban.

 

Tan-awa usab ang Zacarias 7.8; 8, 16-19 

 

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.