62. Pagdumala Sa Imong Oras

Ang oras nga nausik mawala hangtud sa hangtud

Tan-awa ang mga Pagtulon-an

Basaha Kini sa Imong Biblia
Ecclesiastes 3

Ani-a ang Imo’ng Sag-ulohon nga Bersikulo
Kinahanglan ako magbuhat sa mga bulohaton sa nagsugo kanako samtang adlaw pa.
Moabot ang gabii nga walay tawo nga makahimo sa pagbuhat. Juan 9.4

Pagkahuman Hisguti ang Mahitungod Niini
Pagmatinud-anon sa matag usa. Giunsa nimo pagdumala ang imong oras alang kang Hesus,
sa pamilya, tingpahulay ug sa agalon. Kinsa man ang gihatagan ug labaw?

Usa ka Butang Angay Buhaton sa Dili pa ang Musunod
Paghimo ug usa ka espesyal nga paggahin ug pipila ka maayong oras alang sa pamilya,
o alang sa ginikanan kung sila imong napasagdan. Paghimog hiniusang mga butang espesyal,
dili gyud kinahanglan nga mogasto ug salapi, kundili gamita ang oras alang sa matag usa.

Buluhato’ng Pangdiploma
Paghimog usa ka matinud-anong talaan sulod sa usa ka simana aron pagsulat kung giunsa nimo paggamit ang kada tunga sa imong oras, diha ba sa Ginoo, sa pamilya, sa pagpahulay, sa trabaho, sa ubang butang o sa usik lang.
Susiha ug sugyot ug mga kausaban.

Pamalandungi ang Matag Pulong Niini’ng Bersikulo
Mga Taga-Galacia 6, 9-10

Pag-gahin ug Pipila ka Minuto aron sa Kausaban sa Kalibutan

Pray For Yemenis - 16,000,000 Gulf Arabs, 99.9% Muslim

Yemen once had many Christians

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ang oras talagsaon. Kung ang imong balay nasunog makahimo ka pagtukod ug balik niini. Kung ang imong bangko napakyas makahimo ikaw pagbalik ug pagpangitag salapi. Kung ang imong mananap namatay mahimo mo kining ilisan.

Kung Imong Usikan Ang Oras Kini Mawala Hangtud Sa Hangtud.

Si Solomon nagsulat nga adunay panahon alang sa matag buluhaton sa tawo ug siya usab nag-ingon nga ang manggialamon nga tawo masayod sa insaktong oras ug pamaagi sa matag butang. Ecclesiastes 8.5.

 

 

 

Kinsa Man Ang Mga Madaugon Sa Kinabuhi?

Ang lumba dili alang niadtong matulin o ang gubat dili alang niadtong kusgan, ni ang pagkaon nagaabot ngadto sa maalamon o bahandi ngadto sa bantugan o pabor ngadto sa makinaadmanon; apan ang panahon ug higayon mahitabo kanilang tanan. Ecclesiastes 9:11

Ang Gasa Sa Oras.

Ang Dios nagahatag 24 oras sa matag usa, kada adlaw. Ang lumba sa kinabuhi dili madaug sa mga matulin o sa maalamon kundili sa usa ka tawo kinsa migamit niini sa maayo.

Bawi-a, Lukata Ang Oras

Bawi-a ang oras,

Tungod kay ang mga adlaw dautan.

Mga Taga-Efeso 5.16.

 

Aron paglampos sa lumba dili nato usikan ang pagka bililhon sa oras ni magkapuliki hangtud nga mapugos ikaw sa mga tawo. Ang mga magtutuo kinahanglang magkinabuhi nga hinan-ay, kinabuhing makahimaya sa Dios ug magadala kanunay sa pinasahi nga hangin sa kalinaw ug katunhayan bisan daghang gi-atiman.

Ako Nanghinaut Nga Dili Kini Ikaw

Ang tawong mapursigihon kasagaran gubot ug kwarto, hugaw ug awto, kulang ug pagdayo sa kaugalingon, mga gikahadlokan, limtanon sa mga kasabutan, magahimog bakak nga talaan, dili na makatubag ug mga mensahe, dili katumong sa tagal, dili matinumanon sa mga saad, walay kalipay sa iyang trabaho, gamay ra ug panahon alang sa Dios ug walay kaugalingong maayong mga relasyon, walay tarong tulog ug gibug-atan.

Kinsa Ang Nagkinahanglan Sa Imong Oras?

Bout sa Dios nga una sa tanan ug usab ang imong apmilya, imong lawas ug imong agalon, dili kinahanglan sa ingon niana nga pagkahan-ay.

Bililhong Oras Alang Sa Dios Nagpasabot

Kahilum ug pag-inusara.

Pagpaminaw sa Dios.

Paghinuktok ug pagpamalandong

Kini magatugot sa katunhayan nga mosulod sa imong kasingkasing ug molikay kanimo sa pagkapursige.

 

Bililhong Oras Alang Sa Imong Pamilya Nagpasabot

Oras alang sa mga bana, mga asawa ug mga kaanakan sa pagkalipay sa matag usa.

Oras sa pagpasidungog sa inahan ug amahan, bisan unsa imong panuigon. Mateo 15.4

Niining paagiha ang gugma mosulod sa imong kinabuhi ug molikay kanimo sa pagkapursige.

 

Bililhon Oras Sa Pagpahulay Ug Paglingaw Nagpasabot

Ang 1 sa 7 ka prinsipyo, Exodo 34.21

Ang prinsipyo sa panag-abot ug panag-bulagbulag, Marcos 6.31

Ang imo bang mga adlaw igpapahulay, mga balaang adlaw?

Kung imong buhaton kining mga butanga nan ang kalinaw mosulod sa imong kinabuhi ug molikay kanimo sa pagkapursige.

 

Bililhong Paggamit Sa Oras Sa Trabaho Nagpasabot

Ang maayong pagdumala sa makalangay nga mga papeles ug mga tawo. Igahin ang dugang nimong panahon sa trabahoan kaysa laing mga dapit gawas sa pagkatulog, ingon nga ang pagdumala sa mga butang nga mokaon sa atong oras makahimo ug dagkung kausaban.

Unsaon Pagdugang Ug Maayo Sa Pagpanrabaho.

Maayong Pagdumala Sa Mga Papeles

Bahina sa upat ka basket ang tanang manulod nga mga papeles:

Aksyon nga gikinahanglan karon.

Mga impormasyon nga unya na hatagan ug aksyon

Mga impormasyon nga angayan basahon.

Labayonon – padulong ngadto sa basura.

Atubanga ang 1 lamang ka hapnig karon, ug tan-awa unya ang uban kung aduna ka nay panahon.

 

Hinumdumi nga ang pagpanghapnig aron sayon makit-an ang mga butang inig abot sa panahon, sa dihang moabot na ug 3 cm ang imong hinapnig, bahina kini sa samang paagi.

 

Dumalaha Ang Mga Bililhong Katawhan Sa Pagkamapailubon

Ang mga papeles usahay maoy makapapuliki kanato ug makapasango inay nga ang mga tawo maoy hinungdan nganong adunay opisina mahatagn na hinuon ug ikaduhang pagtagad. Bisan dili pa ikaw mosulti hinumdumi nga ang lihok sa imong lawas mas kusog mosulti kaysa pulong, ug ang tono sa imong tingog mopagawas sa tanan nimong pagbati sa dili pa ikaw mosulti. Ania ang gitawag nga ‘graces,’ unom ka pamaagi sa pagbawi sa imong oras sa trabaho pinaagi sa maayong pagdawat sa mga tawo.

 

Greet = Hatag ug maayong katahuran kanila. Padayon sa pagtrabaho.

Receive = Dawata sila sa pagkamatinahuron. Ayaw lang ug lingkod kay masayang ang 15 minutos.

Accompany = Ihatud sila ngadto sa insaktong tawo.

Confer = Pakig-istorya kanila. Hatagi sila sa imong pinakamaayong panahon, pinahiluna pinaagi sa pagpili ug higayon.

Engage = Pakiglambigit kanila. Alang sa mga mahinungdanong hilisgutan nga imong nalimtan sa imong talaan.

Say goodbye = Panamilit kung sila nag-usik lamang sa imong panahon ug dili mamati kanimo.

 

Usa Ka Yanong Sulatan Ug Usa Ka Talaan

Makatabang kanimo sa paghan-ay sa tanang mga butang nga angay nimong buhaton. Pagatan-awa kini sa dili pa magsugod ang adlaw. Ug pangutan-a kining mga pangutana mahitungod sa angay buhaton:

Kini ba dinalian ug mahinungdanon? Buhata dayon. Aksyoni karon.

Kini ba dili dinalian ug mahinungdanon? Ipa-ulahi lang kini. Atimana lang unya kini.

Kini ba dinalian ug dili mahinungdanon? Itugyan kini. Tugoti nga makakat-on ang uban.

Kini ba dili dinalian ug dili mahinungdanon? Ilubong kini. Nganong trabahuon pa man?

Ayaw kahadlok pagplano sa imong oras alang sa Ginoo, sa imong kaugalingon ug sa pamilya. Ang oras nga wala maplano mahimong masakop sa mga dominante nga mga tawo, sa imong dapit nga walay disiplina o kung si kinsa ang mas kusog mosinggit. Ang paghan-ay sa trabaho molikay kanimo sa pagkapursige ug mohatag kanimo ug dugang oras ug kusog alang kang Hesus, sa pamilya ug sa imong kaugalingon.

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.