66. Ang Naga-disipolo Nga Simbahan

Ang gahum sa pagpakigsulti sa mga tawo

Tan-awa ang mga Pagtulon-an

Basaha Kini sa Imong Biblia
Mateo 28.19; Lukas 9, 1-6, Lukas 10, 1-24.

Ani-a ang Imo’ng Sag-ulohon nga Bersikulo
Busa sila nanag-ingon sa usa ug usa, “Kita wala magbuhat sa maayo.
Kining adlawa maoy usa ka adlaw sa mga maayong balita ug nanaghilum lamang kita."
2 Mga Hari 7:9

Pagkahuman Hisguti ang Mahitungod Niini
Unsa nga matang sa mga tawo ang imong pangitaon aron pagporma ug usa ka gamayng grupo
nga imong matigum aron imong mapahat ang imong mga nakat-unan.

Usa ka Butang Angay Buhaton sa Dili pa ang Musunod
Pagpili ug dili mokulang sa tulo apan dili mosobra sa dose ka mga tawo kinsa mouyon
aron makigtigum uban kanimo sa kanunay diha sa usa ka panimalay o usa ka lawak tigumanan. Ug imong
ipasa kanila ang tanan nga imong nakat-onan gikan niining mga pagtulon-an uban sa imong magtutudlo.
Ingna usab sila sa pagpasa sa  ilang nakat-onan.

Buluhato’ng Pangdiploma
Isulat sa dili mosobra sa duha ka pahina, ang tulo ka mga lakang nga imong makit-an
diha sa 2 Timoteo 2.2 ug ihulagway ang pagtubo pinaagi sa pagpilo-pilo.

Pamalandungi ang Matag Pulong Niini’ng Bersikulo
Lukas 10, 1-4, 17-21

Pag-gahin ug Pipila ka Minuto aron sa Kausaban sa Kalibutan

Pray For Turkey - Turkey Is The Bridge Between Europe And Asia

62,000,000 people, 99.8% Muslim. just 600 known Turkish believers

This is ‘Galatia’ in the Bible in great need of your prayers

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Diha sa dula nga ‘soccer’ ang mga bag-ong magdudula makakat-on gikan sa ilang tigbansay; basin siya maoy pinakamaayo sa ilang grupo kaniadto. Diha sa usa ka buhatan imong makit-an ang mga batan-ong magtutuon nga nagatuon gikan sa kahibalo sa labawng artesano. Ang pagkat-on gikan sa atong Labaw, si Hesus, mao ang buot ipasabot sa pagdisipolo, ug kini gamhanan. Siya mao ang Magtutudlo, ug kita ang iyang mga tinun-an, ang mga kalalakin-an ug mga kababayehan ubos sa iyang pagdisiplina ug pagbansay.

i-klik >66chart aron pagtan-aw sa ilustrasyon alang niining maong pagtulon-an

 

1. Ang Kahibulongang Gahum Sa Pagdisipolo

Usa ka pastor gikan sa Taiwan nagapanaw ngadto sa Sentrong Tsina matag duha ka bulan sulod sa duha ka tuig aron pagbansay sa kinse ka mga kalalakin-an sa tanan nga iyang nakat-onan mahitungod kang Hesus ug sa pagpangabig ug mga kalag. Ang matag usa niining mga tawhana mitudlo ngadto sa laing dose ka mga tawo kinsa sa ilang bahin mitudlo sa laing daghan ka mga katawhan.

Sulod sa 1993 aduna silay usa ka bulan nga pag-ebanghelyo sa dihang adunay mga 1,500 niining mga natudlo-an pag-ayo nga mga mamumuhat nanglakaw pinaagi sa pagbaktas, sa mga bisikleta, diha sa mga bus ug mga tren sa tibuok Tsina aron pagsangyaw mahitungod kang Hesus. Sa dihang sila nama-uli ug namalita, nakaplagan sa pastor nga gikan sa Taiwan nga sobra sa 100,000  ka mga bag-ong magtutuo ang nabautismohan sulod lamang sa usa ka bulan nga paghimo sa iyang gitudlo.

Atong Tan-awon Pag-usab Kung Unsa Ang Nahitabo ~

1 Lakang
Usa ka tawo nagtudlo ug 15 ka mga kalalakin-an, mao nga ang 15 ka mga kalalakin-an namati ug nakakat-on.

2 Lakang
Unya ang matag-usa sa 15 ka mga kalalakin-an nanudlo ug dugang 12 ka  mga kalalakin-an ug mga kababayehan, mao nga 195 ka mga katawhan ang nakadungog ug nakakopya sa pagtulon-an.

3 Lakang
Unya ang 195 ka mga kalalakin-an ug mga kababayehan ming-uli sa ilang panimalay, halayo ug halapad nga dapit ug ang matag usa nanudlo ug mga taliwala sa 6 ug 12 ka dugang mga tawo ug mao nga kini ni-abot ngadto sa mga 1,500 ka mga katawhan ang nakadungog ug nakakopya sa pagtulon-an nga nadunggan gikan sa 1 lakang.

Mao Kana Ang Gahum Sa Pagdisipolo Diha Sa Buhat.
Hinumdumi nga kini nangahitabo diha sa mga kabalayan, ilalum sa kakahoyan, ug diha sa mga mamingaw nga mga dapit aron paglikay sa mga kapolisan ug mga paglutos. Wala nay mga mahalong dapit, kagamitan o mga libro nga gigamit. Bugtong mga mahilum nga mga pulong, pagkopya ug pag-ampo sama sa nahitabo sa mga kailayahan sa mga unang gatusan ka mga katuigan, human gisugo ni Hesus ang mga tawo sa pagpanglakaw ug paghimong mga disipolo.

2. Kinahanglan Ba Gayud Ang Tunghaan Sa Biblia Adunay Balay?

Ang pagtungha sa Tunghaan sa Biblia sulod sa usa o duha ka tuig maoy bugtong paagi aron pagkat-on sa pamaagi sa Dios? Apan unsa may mahitabo kung may liniboan ang moduol ngadto kang Hesus, ug ang tanan gusto makakat-on ug dugang ug gusto mamuhat alang sa Ginoo?

Asa man nila makaplagan ang salapi o ang panahon aron malayo gikan sa pamilya, sa trabaho ug sa simbahan? Asa man nimo makaplagan ang mga magtutudlo, mga balay, mga higdaanan ug mga pagkaon. Bisan ang pagdala ug 500 ka mga tawo sulod sa usa ka simana nagpasabot ug 1,000 ka pletihan sa bus, 500 ka mga higdaanan, 500 ka mga kasilyas, 500 ka mga librong sulatanan ug mga igsusulat ug 10,500 ka pagkaon ug tubig sa usa ka simana!

3. Aduna Pa Bay Laing Paagi?

Ang mga hudiyong magtutudlo nagtukod usab ug mga tunghaan apan si Hesus mipili sa laing pamaagi. Kini yanong sugdan, dili mahal ug ang tanan makahimo sa pagsalmot.

Giunsa Man Ni Hesus Pagbansay Sa Iyang Mga Tinun-an?
Si Hesus nagagahin uga taas nga higayon sa pagbansay ug mga gagmayng mga grupo sa 3, 12 ug 72. sila nahimong mga higala. Siya nagatudlo kanila sa pribado, ug nakakat-on sila ug dugang diha sa mga publikong panagtigum. Sila iyang gipalakaw ug gipasulay pagpabuhat sa ilang mga nakat-onan. Sa ilang pagpa-uli ila kining gitaho kang Hesus. Mateo 10.1, Lukas 9,1-10; 10, 1-24

Pagbantay sa sinugdanan.
Ang pagdisipolo mopahigawas sa pulong ug sa Espiritu sa Dios ug kini mopagawas sa unsay pinakamaayo ug pinakadautan sulod nimo. Ang pagdisipolo magahatud ug kalibutanong pagkawala apan dakung kinasuloran, walay katapusang kakitaan. Usa ka higayon ang mga tinun-ang nagabugsay taliwala sa usa ka linaw sa dihang miabot ang usa ka unos. Anaa sila sa taliwala sa kabubut-on sa Dios apan sila nangabasa ug nangahadlok pa gihapon! Mat. 8, 23-27.

4. Si Pablo Nagahimo Usab Ug Mga Disipolo

Sa dihang siya nagapanaw nagdala siya ug usa ka grupo kauban niya ug sila nakakat-on pinaagi sa pagtan-aw unsay gibuhat ni Pablo ug pagbuhat sa samang butang. Mga Buhat 20, 4-5. Sa dihang si Pablo didto sa Efeso, dapit sa Izmir diha sa bag-ong Turkiya, nakapkaplag siya ug pipila ka mga magtutuo kinsa mga walay nahibaloan ni wala gani makadungog mahitungod sa Balaang Espiritu. Mao nga si Pablo nagtudlo kanila, nag-ampo alang kanila, ug nakigtigum kanila matag adlaw sa sobra duha ka tuig. Sila nakakat-on diha sa mga tiil sa kamagulangan ingon nga magtutuon, o mga disipolo.

Unsa Sa Imong Hunahuna Ang Nahitabo?
Adunay epektibo nga pag-ebanghelyo tungod kay sulod sa duha ka tuig ang tibuok lungsod nakadungog sa pulong sa Ginoo.

Adunay mga talagsaong mga milagro,

Ang pagkahadlok sa Dios mipuno sa siyudad.

Gisunog sa mga katawhan ang ilang mga libro sa salamangka.

Ang Pulong sa Dios mikaylap ug mitubo diha sa gahum.

Kadtong mga walay nahibaloan nga mga disipolo nahimong mga pangulo sa mga kasimbahanan sa Efeso.

Mga Buaht 19, 1-21; 20,17,18

5. Pagdugang O Pagpilo-pilo?

Ang mga simbahan kasagaran mitubo pinaagi sa pagdugang sa dihang adunay usa o duha ka dugang mga tawo ang moduol ug nakadungog sa ebanghelyo. Apan diha sa pagtubo pinaagi sa pagpilo-pilo, daghan ang nakadungog sa Maayong Balita, mitubag sa gugma sa Dios ug unya nagsugod ang mga gagmayng simbahan sa dapit diin sila nagpuyo.

Kini mahitabo usab sa inyong baryo pinaagi sa pagbuhi sa gahum sa pagdisipolo. Kini nagpasabot sa paghinumdum o pagsulat sa tanan nga imong nakat-unan ug unya pag-organisar sa imong kaugalingon aron sa pagpasa niini ngadto sa usa ka grupo sa imong mga higala, kinsa mao na usab ang molakaw ug manulti sa ubang tawo. Si Pablo mihatag tulo ka mga lakang ngadto sa iyang batan-ong tinun-an nga si Timoteo:

1.        Ang mga butang nga imong nadunggan nga akong gisulti . .

2.        Itugyan kini ngadto sa laing mga kasaligan nga mga katawhan . .

3.        Kinsa mao na usab ang molakaw ug motudlo sa ubang tawo.

Pilia ang imong mga disipolo. Paghiusa sa pagtigum, basin sa panimalay aron pagsugilon kanila sa tanan nga imong nakat-onan niining maong pagtulon-an ug pagsulti kanila kung unsay ilang dugang makat-unan sa umaabot kung sila mobalik. Unya sabot usab ang imong mga kahigalaan sa pagpasa usab sa Pulong sa Dios ngadto sa uban. 2 Timoteo 2.2; 2 Mga Hari 7.9

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.