67. Ang Inahan Nga Simbahan

Ang pagkabig ug kalag alang kang Hesus mahinungdanon, ang pagtanum ug bag-ong simbahan mas maayo

Tan-awa ang mga Pagtulon-an

Basaha Kini sa Imong Biblia
Mga Buhat 20, 17-37; Marcos 1, 9-45

Ani-a ang Imo’ng Sag-ulohon nga Bersikulo
Kung unsa ang iyang paga-ablihan walay si bisan kinsa nga makasira, ug unsa ang iyang pagasirhan
walay si bisan kinsa nga maka-abli. Ania karon gibutang ko sa imong atubangan ang usa pultahan nga inablihan nga dili masirhan ni bisan kinsa. Pinadayag 3, 7,8

Pagkahuman Hisguti ang Mahitungod Niini
Asa man ang imong nahibaloan nga wala pay ebanghelekanhong simbahan. Mahimo kini nga dapit o
mahimong grupo sa mga tawo kinsa nagpuyo sa duol.
Sa imong hunahuna aduna ka bay mahimo mahitungod niini?

Usa ka Butang Angay Buhaton sa Dili pa ang Musunod
Lakaw ug pangitag mga tawo sa duol, bisan gikan ba sa laing nasud nga mas
adunahan o mas kabus kaysa inyoha, kinsa wala pay simbahan. Pangutan-a sila kung interesado ba sila
nga may ablihang usa ka bag-ong simbahan alang lamang kanila aron sila adunay
dapit nga kaampoan ug kadangpan lang sa ilang mga espiritohanon ug sosyal nga mga panginahanglan.

Buluhato’ng Pangdiploma
Paghimo ug usa ka pagtuki sa dili mosobra sa duha ka pahina mahitungod sa mga tawo
sa inyong distrito nga walay ilang kaugalingong simbahan.

Pamalandungi ang Matag Pulong Niini’ng Bersikulo
Mateo 16.18

Pag-gahin ug Pipila ka Minuto aron sa Kausaban sa Kalibutan

Pray For Laos - Nearly 5,000,000 poor Asian people

2% Christian, many Buddhist. Church suffered under communism

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Ang pagkabig ug usa ka kalag usa ka maanindot nga butang apan sa nagakadaghan ang populasyon, dili na kini igo. Ang pagtanum ug mga bag-ong simbahan ug paglambigit kanila diha sa usa apostolik, matagdanon nga kalihukan maoy usa ka mas maayong tumong.

Apan Aniay Gisulti Sa Pipila Ka Mga Tawo ~

"Dili na kami gusto pa ug laing mga simbahan "

"Ang usa ka dakung simbahan adunay daghang impluwensya."

"Kinahanglan natong paluyohan ang mga anaa na nga mga kasimbahanan."

"Tugoti pagpatambong ang mga tawo sa among mga tigum."

Kung imong tan-awon walay bisag usa ka balidong hinungdan nga gihatag gikan sa Biblia. Kining tanang mga pangatarungan nagpakita lamang ug kina-ugalingong kinaiya sa pagpanagang diin wala makapahimaya sa Ginoo, ni makaprodukto ug usa ka makadani, may katuyoan nga simbahan nga diin ang tawo magtinguha nga mahimong kabahin.

Nganong Magtanum Ug Mga Bag-ong Simbahan?

Kini Ba Aron Pagkombate Sa Mga Panginahanglanon Sa Katilingban?
Dili, kana usa lamang ka emosyonal nga reaksyon ngadto sa kamatuoran nga ang mga katawhan tataw nga anaa sa dakung pagpanginahanglan sa espirituhanon ug sa moralidad sa matag tuig nga molabay. Apan ang kamatuoran sa maong butang mao nga ang Dios dili dihadiha dayon motagbo sa panginahanglan, kay kon mao tingalig lahi ang daganan sa kalibutan.

Siya Nagatagbo Uban Sa Pagtuo.

Kung ang panginahanglanon ug ang mga pag-antos nagadala pa ug kapukawan, nan ang Oropa nahimo na untang usa sa pinakagawasnon sa espirituhanon sa tanang kontinente sa kalibutan human sa gatusan ka tuig nga mga mabangis nga pakiggubat. Hinuon, kini ang pinakangitngit, ug ang pinakawalay pagpakabana sa ebanghelyo. Ang pagtanum ug simbahan maoy usa ka matuod nga pagkaylap sa ebanghelyo nga kabahin sa Dakung Sugo ni Kristo.

Ang pagbutang ug mga bag-ong simbahan sa usa ka dapit maoy usa ka panan-awon nga nagahatag higayon sa mga gasa sa mga tawo sa Dios gikan sa kamanghoran ngadto sa kamagulangan, kaysa magsalig lamang sa mga bisitang ebanghelista. Diin ang matag usa makahimo pagtabang sa pagpamuhat aron pagkab-ot niadtong mga tawo sama sa ilang panuigon ug pagkabig kanila alang kang Hesus. Ganahan sila niana!

Ang pagpananum ug simbahan maayo usab kaayo kay ang simbahan nga nagapanglihok alang sa mga tawo sa gawas kaysa niadtong nagpuyo lang sa sulod layo kaayo sa mga panaglalis sa mga butang sulod sa simbahan. Ug nganong maghulat pa? Nakadungog ako ug usa ka simbahan nga may 17 ka mga sakop kinsa nagaplano sa pagtanum ug dugang tulo ka simbahan sa ilang siyudad.

Dili Ba Kasagaran Sa Mga Bag-ong Simbahan Mga Nagtakuban Nga Pagkabahin-bahin?

Tataw nga kadtong mga tawo nga rebelyuso, bagutbotan ug kadtong gusto lamang mobutang sa iyang kaugalingon sa atubangan ang dili makahimo pagtukod ug maayong simbahan. Hinuon ilang mapasa ang ilang pagkawalay katagbawan ug may katarungan nga magkatibulaag ang matag usa nga maoy hinungdan nga ang bag-ong simbahan mahugno. Kinahanglan nga maghinulsol sila ug himuon nga insakto ang ilang motibo atubangan sa Ginoo, uban sa iyang tabang.

Ang Awhag Sa Pagpakaylap Sayop Ba Kanunay?

Kinsa man ang nagpakatag sa mga masupakon nga simbahan sa Herusalem sa dihang kini wala motuman sa Dakung Sugo ug sa pag-ebanghelyo?

Kinsa ang mibulag sa kahayag gikan sa kangitngit?

Kinsa man ang mibulag sa Protestanteng simbahan gikan sa Roma?

Kinsa man ang mikuha sa mga Metodista, Pentekostal ug mga Karismatik gawas sa nalig-on na nga simbahan ug mipa-uswag kanila?

 

Ang tubag mao nga ang Dios mismo!

Si Edward nga taga-Pakistan ug ang iyang asawa nga si Kylykke nga taga-Finland mga misyonero sulod sa Englatera. Bag-ohay lang nag-abli sila ug bag-ong simbahan uban sa mga pipila ka mga Asyan nga mga magtutuo ug pipila nga gikan sa ubang mga simbahan. Kadto ba usa ka pagkabahinbahin? Dili, kay siyam ka ministro gikan sa mga na-ugmad nga mga simbahan mitungha aron pagdumala ug serbisyo ug aron paghatag sa ilang panalangin ug pagpaluyo diha sa kadaghanan. Kadto usa ka maayong pagsugod..

Ang Dios Nagasugo Kanato Sa Pagpananum Ug Mga Simbahan.

Ang Simbahan maoy tuyo sa Amahan, Mga Taga-Efeso 3.10

Ang Simbahan mao ang gisaad sa Anak, Mateo 16.18

Ang Simbahan maoy resulta sa pag-abot sa Balaang Espiritu didto sa Pentecostes, Mga Buhat 2.42-47

Ang simbahan nga gitanum sa mga ordinaryong mga tawo ug gipalig-on sa mga ginasahang mga tawo maoy bulawanong panig-ingnan sa Antioquia, Mga Buhat 11,19-26

Ang pagtanum ug Simbahan maoy usa sa mga tumong ni Pablo, sama pananglit sa Efeso.

Mga Buhat 13; 14; 19 to 20,17

 

Gibutang sa Dios ang pagpananum ug simbahan nga una sa iyang mga tulomanon karon, sama pananglit pinaagi sa pagdasig ug pagpanalangin sa ‘DAWN & SEAN’ nga kalihukan sa pagpananum ug simbahan nga malampuson sa tibuok kalibutan.

Unsaon Nimo Pagtanum Ug Mga Bag-ong Simbahan?

Aniay pipila ka mga espirituhanong sangkap gikan sa panig-ingnan ni Hesus. Ang resulta nga makit-an diha sa Marcos 1.45 mao nga ang mga ‘magsige lang ug abot,’ gihatud niining maong mga lakang, sulondon alang sa patukoranan diha sa pagpananum ug simbahan ~

Ang pag-abiabi sa Balaang Espiritut, ug ang pagtugyan aron nga iyang magiyahan. 9-12

Ang pagkamahinungndanon sa pagbuntog kang Satanas, 13

Ang gikinahanglan sa pagkuha sa insaktong higayon, Marcos 1,14a, 15

Ang pagbutang ug una sa pagwali. 14

Ang pagbaton ug  grupo may kahimoan, 16-20

Ang insaktong paggamit sa mga espirituhanong gasa, Marcos 1, 23-42

Ang dedikasyon diha sa masibuton nga pag-ampo, 35

Ang espiritu sa pagkamagsusugod nga nagadumili sa kaharuhay, Marcos 1, 37-39

Ang paghigugma sa mga katawhan mahinungdanon usab, Marcos 1, 23, 30, 40.

Sa Tinuod, Unsa Man Ang Imong Gibuhat?

Ang usa ka daku nga simbahan makahimo sa pagpadala ug 50 ka mga tawo aron magsimba ug mag-ebanghelyo diha sa bag-ong dapit, motabang hangtud nga ang bag-ong natawo motubo. Makahimo ikaw pagtanum ug usa ka simabahan sa espesyal nga ‘pinulongan’ taliwala sa mga grupo sa mga langyaw o mga linalin diha sa inyong dapit. Ang mga buluhaton nga sensitibo sa gikinahanglan sa mga tawo maoy usa ka maayong paagi sa pagpresenta sa ebanghelyo ngadto sa mga kalibutanong katawhan sa paagi nga dili mora ug simbahan uban sa mga maaghaton nga mga sunata ug mga pasundayag sa matag Dominggo, samtang ang mga magtutuo magtigum kada tunga-tunga sa simana.

Adunay daghang mga libro nga mopadasig kaninyo, apan hinumdumi kanunay ang teolohiya ni Maria. Siya yano nga misulti, " Buhata ang bisag unsa nga iyang isulti kanimo." Tan-awa usab ang Pinadayag 3, 7-8.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.