Unsaon Sa Pag-abli
Ug Imong Kaugalingong Tunghaan
Sa walay paggasto ug daghang salapi
Kung
inyong nakit-an ang mga lista sa mga pagtulon-an kami
nanghinaot nga gibati
ninyo ang kahinam
mahitungod sa mga posibilidad
sa pagdugang ug tunghaan sa pamansay sa inyong
simbahan,
gagmay’ng grupo o misyon. Usa kini ka desisyon nga dili nimo makalimtan.
Unsa may angay nimong buhaton sa sunod ?
Aniay
pipila sa mga tubag, apan hinumdumi nga ang gisaad sa Dios
nga sa dihang imo Siyang ilhon sa tanan nimong pamaagi,
Siya magatudlo sa imong mga agianan. Tan-awa sa Mga Proberbyo 3,5-6.
Andam
kami sa pagtabang kanimo aron pagsugod ug sentro sa pamansay nga
may 2 Timoteo
2.2 nga estilo
kay nasayod kami kung unsa ka madaginuton
kining matanga sa pagbansay.
Makahimo ka sa pag’e-mail’ kanamo aron
pagbahin sa imong mga plano ug
pagpangayo ug tambag.
Kasagaran Nga Ipangutana
Nga Mga Pangutana
1. Kinahanglan ba gyud kitang maglain
ug dapit alang sa Tunghaan sa Biblia?
Daghan sa mga tawo naghunahuna nga ang
Tunghaan sa Biblia kinahanglan espesyal nga dapit nga may Krus sa ibabaw. Ang
patukuranan niining kursoha motabang paglikay sa mga dagkung mga gasto kay kini
gimugna aron pagahimuon sa panimalay, sa usa ka lawak o bisan ilalum sa landong
nga kahoy, uban sa gamay’ng gasto. Kini importante ilabina na sa mga katawhan
nga nagpuyo sa mga nasud diin ang mga Kristohanon linutos ug kabus. Wala ba
kamo nakahibalo nga sa unang 400 ka tuig human si Hesus namatay ug nabanhaw
nga ang tanang mga magtutuo walay
gani dapit nga simbahan o Tunghaan sa Biblia nga dapit, apan ang simbahan
paspas nga mitubo.
Ang 2 Timoteo 2.2 nga prinsipyo epektibo
kaayo.
Usa ka tawo nga nagtudlo ug ibutang ta
10 ka tawo, sa usa ka panimalay.
Mao nga 11 ka tawo nakahibalo sa pulong sa Ginoo
Matag usa sa napulo mopasa sa ilang nahibaluan sa laing 10, sa iyang panimalay.
Karon ang 111 ka tawo nakadungog sa pulong sa Ginoo.
Matag usa sa 100 nakigkita sa laing napulo aron ug pagtudlo kanila sa usa ka panimalay.
Karon 1,111 ka tawo ang nakakat-on, sa hapit wala nay bayad.
Kini ang gitawag nga Pagbansay pinaagi sa Pagpadaghan, ug bisan ang mga fisure This is called Training by Multiplication, and although the figures can differ, the principle works all over the world, and succeeds. See also Lesson 66: A Discipling Church
2. Kinsa ang angayan nga motungha ug motuon?
Ang Dios magagiya kanimo ingon nga
pastor-magtutudlo sa dihang ikaw mag-ampo, apan pangitaa kadtong mga abtik,
hingpit nga nakabig nga mga kalalakin-an ug kababayehan sa tanang mga panuigon
ug mga kasinatian kinsa nasayod nga sila tinawag sa Dios aron pag-alagad
Kaniya. Pagkamaungon mas bililhon kaayo kaysa sa edukasyon o mga katigayunan
mao nga pangayo sa Dios ug mga katawhan nga mahimo nimong mga higala. Pag-ampo
sa mga tawo nga moabot ug makig-ambit sa imong panan-awon ug mga kasakit,
makig-uban kanimo sa buluhaton, mo-alagad ubos sa imong pagsuperbisyo.
Balibari, o ingna sa sunod tuig na lang, ang mga tawo nga sa imong pamati walay
siguro human sa pag-ampo. Salig sa pagsaksi sa Espiritu sa Dios ngadto sa imong
espiritu, Siya dili gayud masayop.
Hinumdumi nga si Hesus mipili lamang ug 12 ka mga tawo
aron mahimo niyang mga suod nga disipolo.
Dili na nimo kinahanglan nga makabaton
ug dugang pa. Pagpili ug pipila aron makasugod ka uban, sa insaktong mga tawo
ug maayo kana. Daghan pa ang madugang sa dihang makatag ang mensahe ug kana
magahatag kanimo ug panahon aron mahimong mas maayo diha sa pagtudlo ug
pag-atiman kanila, ug aron paghimo sa uban sa imong mga unang estudyante ingon
nga mga katabang sa mosunod nga kurso.
3. Unsaon ko pagsugod ?
Tun-i pag-ayo kining mga tun-anan
hangtud nga kini imong masabtan diha sa imong kasingkasing. Sila magatudlo
kanimo sa mga yano nga prinsipyo nga nakita ni Hesus ug Pablo kaniadto sa
pagtubo sa nag-unang simbahan pinaagi sa ‘pagpasanay’.
1. Pag-ampo aron pagsuta sa pinakamaayong panahon sa pagsugod.
2. Sa pagkakaron tun-i ang kurso sa imong kaugalingon.
3. Unya sama kang Hesus, pagkahuman sa tumang pag-ampo,
4. Pilia ug imbitaha ang imong mga disipolo.
5. Pagsabot sa pinakamaayong panahon sa pagtigum.
Ang kining tanan nasulayan na sa nagkalain-lain nga mga nasud ug kini namuhat:
Kausa sa usa ka simana sulod sa duha ka tuig, nga mao ang 2 x 13 gidugayon sa simana + 1 x 14 gidugayon sa simana uban sa 3 ka simana nga bakasyon sa Pasko, 3 ka simana nga bakasyon sa Pagkabanhaw ug 6 ka simana nga bakasyon sa panahon sa ting-ani.
O 2 ka pagtulon-an sa usa ka simana sulod sa 1 ka tuig.
O 2 ka bulan nga pagtungha, 2 ka bulan balik sa panimalay.
Ikaw ang modesisyon unsay angay kanimo.
4. Unsaon ko pagdumala sa klase?
1. Andama daan sa unahan ang imong pagtulon-an. Kung dili nimo mahimo, makahibalo silang tanan! Gahin ug duha ka oras alang sa matag sesyon.
2. Pakopyahi daan ang mga pagtulon-an sa unahan, o ang mga estudyante pa mao ang mosulat sa ilang kaugalingong mga tun-anan, o maningkamot sa paghinumdum kung dili sila kasulat.
3. Himoa nga Balay sa Pag-ampo alang sa Tanang Kanasuran. Kanunay sugdi sa pagsimba, pagdayeg ug pag-ampo. Salmo 100.
4. Ingon nga parte sa inyongpagsimba ug pagbansay paghimo ug panahon sa pagpangaliyupo alang sa nasud nga gibutang kada pagtulon-an. Lain-lain nga estudyante ang mohimo sa pagdala sa pag-ampo ug mohatag ug dugang kasayuran mahitungod sa nasud.
5. Dayun hiusaha sa pagtuon ang sag-ulohon nga bersikulo. Usa kana ka maayong kinaiya.
6. Pagturno-turno aron sa pagpraktis ug basa sa mga pulong sa Biblia sa kusog.
7. Itudlo ang pagtulon-an sa imong kaugalingong pinulongan kanunay pagkuha ug panahon sa pagpangita ug pagbasa sa mga bersikulo sa Biblia nga may kalabutan. Tan-awa ang tun-anan kung unsaon pagtudlo.
8. Pagkahuman pasagdi ang mga tawo sa paghisgut-hisgot unsay ilang nakat-onan. Matnguni mga ikaw igo ra sa paggiya ug ayaw pagpaibabaw sa panaghisgot. Ang pagsugyot aron pagsugod sa panagsulti anaa sulod sa matag pagtulon-an.
9. Ipasabot ang praktikal nga buluhaton ngadto sa mga estudyante. Ang pagtapos niining kursoha pinaagi sa unsay nangahimo ug dili pinaagi sa kalibutanong abilidad o pagsag-ulo sa sa pagtulon-an.
10. Ayaw itugot nga ang estudyante mopadayon sa sunod nga pagtulon-an hangtud dili nila mahuman ang ilang praktikal nga buluhaton, gawas kung aduna silay maayong rason, sama sa balatian. Kada estudyante kinahanglan magtipig ug mga rekord sa ilang nabuhat, sa petsa, ug sa resulta, kanunay nimong pirmahan sa dihang imong tan-awon kada simana.
11. Ang pagpamalandong pagabuhaton sa panimalay aron pag-abli sa mga bahandi diha sa pulong sa Dios.
12. Ipasabot ang sinulat nga buluhaton alang sa mga estudyante nga gusto makabaton ug diploma. Kinahanglan imong markahan ug ibalik aron matipigan ug dili mahugaw aron magamit sa umaabot nga panahon.
13. Labaw sa tanan pagkalipay sa Ginoo, pagkalipay uban sa matag-usa ug sa pagkat-on sa pulong sa Dios. Ayaw pagpalabi sa pagkaseryoso ug pagkapormal. Katawa gamay, paghiusa sa pagpangaon ug inom ingon nga mga higala.
5. Pila man ang ibayad sa mga tawo?
Kining kursoha miabot kanimo nga libre,
mao nga, sumala sa gisulti ni Hesus, “Kay libre nimo nga nadawat, ihatag usab
nga libre.” Mateo 10.8. Hinuon ang mga estudyante kinahanglan mobayad sa ilang
mga gastohon ug sa ilang mga tun-anan apan palihug ayaw ibaligya ang
Pulong sa Dios.
6. Mamuhat ba kining matanga sa pagbansay?
Sa 1983, si Miguel Diez ug iyang asawa
nag-ampo, ug nagsugod sa pagwali sa mga katawhan sa kadalanan sa ilang lungsod
sa Espanya. Mga nalulong sa druga, mga mugbo ug lupad ug mga kriminal
nangaluwas ug dayun si Miguel mitudlo kanila sa samang prinsipyo sa
Pagdisipolo, Pag-ebanghelyo, Pagpangalagad sa Dios, ug Pang-ekonomiya sa
Gingharian. Ang mga bag-ong nadisipolo nanrabaho aron paghatod ug salapi sa
ilang grupo, nagasaksi adlaw ug gabii. Karon daghan ang Kastilang kasimbahanan
nga may 50 pa ka mga miyembro, si Miguel aduna nay 15,000 ka mga tawo, nga
nagamisyon diha sa 42 ka mga nasud. Si John Joseph diha sa India mitan-aw sa mga
pagsugod sa samang mga resulta sa
dihang ang iyang mga kabatan-onan midala sa mga pagtulon-an ngadto sa mga
kalasangan ug mga gagmay’ng baryo. Namuhat ba kini? Pagkahuman sa labaw sa
500,000 nga naigo niining ‘website’ sukad sa 1999, aduna nay daghang mga
tunghaan ang nanunga sa tibuok kalibutan. Daghan ang mga pagpamatuod. Namuhat
kini, ug mamuhat usab kini diha kanimo.
7. Unsaon nako pagtudlo sa mga tawo ?
Ang pinakaubos nga butang nga imong mahimo mao ang pagbarog sa atubangan ug pagpamulong sulod sa usa ka oras.
Sa dihang ang tawo maminaw lamang sa pagtulon-an ang iyang mahinumduman gamay lamang, basin mga 25%, ug usahay ubos pa niana. Kung ang mga tawo makakita ug butang nga makapa-interes kanila, makahinumdum sila basin mga 50%, o dugang pa. Sa dihang ang tawo makakat-on pinaagi sa pagbuhat ug butang sa iyang kaugalingon, mahinumduman niya halos tanan, ug dili gayud makalimtan.
Ipukos lamang kini!
Mga katawhan kasagaran mohunong pagpukos pagkahuman sa mga baynte minutos, mao paghimog mga regular nga paghunong sa makadiyot. Ingna ang mga tawo sa pagsulti sa ilang mga nakat-onan sa matag usa. Pahimoa sila, sa pagtindog, pag-ampo, pag-unat unat o paglakaw lakaw aron pagbalik sa lebel sa pagpukos. Ang pagkamamugnaon mahinungdanon.
Pagkalipay sa panahon sa inyong panagkauban
Paggahin ug mga paghunong sa makadiyot human sa kada sesyon ug pangapi, pag’soft drinks’ o pagtsaa. Pagdala ug biskwit, panghatag ug mga hinam-is sa panahon sa pagtuon. Moabaot ang panahon nga makahigala ka.
Ibalhin ang mga pamaagi sa pagtudlo
Mga pinasahi nga panig-ingnan lisod gayud kalimtan. Pasalmota ang mga tawo ngadto sa pinakadaghan. Tugoti ang mga estudyante paghimo ug mga mugbong pasundayag, pag-awit o pagpasundayag nga walay tingog aron paghulagway sa imong mga punto. Gamit ug pisara aron pagsulat ug mga ilustrasyon, mga hulagway ug mga han-ay. Pagguhit ug mga mapa, mga hulagway ug pagdala ug mga butang aron paghulagway sa imong pagtulon-an. Gamit ug musika gikan sa mga ‘cassete’, ‘video’, ‘slide’ o pasalida kung mahimo nimo. Awhaga ang mga estudyante sa pagpamuhat diha sa gagmay’ng grupo o paglantugi sa mga gihisgotan.
Labaw sa tanan, bansaya ang 2 Timoteo 2.2 ug pakigsabot niadtong nakakat-on gikan kanimo sa pagpanglakaw ug balika paghimo ang pagtulon-an ngadto sa laing grupo, ug dasiga ang maong grupo sa paglakaw ug usbon paghimo ang pagtulon-an ngadto sa laing grupo, ug dasigon ang laing grupo sa paglakaw ug pagsulti sa uban. Niining paagiha ang pulong makatag pag-ayo ug mutubo nga may gahum.
Dugang Kasayuran mahitungod sa mga tunghaan, pagsuperbisyo ug mga diploma
© The DCI Foundation
Ang pagtugot
gihatag aron pagprodukto ug mga kopya sa hinungdan nga kini matun-an
apan dili alang
ibaligya o sa pangkomersyo nga hinungdan.
Kay libre nimong nadawat, libre usab nga ihatag.